Abstract:
Təhsilin humanistləşdirilməsinin amili kimi müəllimin yeni pedaqoji təfəkkürü dedikdə, sözün geniş mənasında müəllimlərin təhsilin yeni dəyərlərinin dərkinə, bu dəyərlərə yiyələnməyə və özlərinin məktəb mühitinin humanistləşdirilməsi üzrə praktik pedaqoji fəaliyyətlərində bu dəyərin həyata keçirilməsinə yönəlmiş məktəbin pedaqoji kollektivinin tam pedaqoji iş prosesi başa düşülür. Müəllimin yeni pedaqoji təfəkkürünün təşəkkülü prosesi məktəbin bütöv pedaqoji prosesi ilə ümumi xüsusiyyətlərə malikdir. Bütöv proses kimi müəyyən məkanda, təlim-yaradıcılıq mühitində baş verir, ikitərəfli əlaqə ilə xarakterizə olunur. Eyni zamanda, müəllimin, məktəbin, təhsilin humanistləşdirilməsinə yönəlmiş yeni pedaqoji təfəkkürün təşəkkülü prosesi bir sıra xüsusiyyətlərə malikdir.
