Fiziki tərbiyə dərslərində V-VI sinif şagirdlərinin dərsə motivasiyasının tədqiqi.

Abstract

Mövzunun aktuallığı. Azərbaycan dövlət müstəqillik əldə etdikdən sonra ölkə başçısının düzgün və uzaqgörən siyasəti nəticəsində respublikamız həyatın bütün sferalarında müvəffəqiyyət əldə edərək irəliləyir. Ümummilli lider Heydər Əliyevin başladığı və onun layiqli davamçısı olan prezident İlham Əliyevin davam etdirdiyi bədən tərbiyəsi və idman siyasətinin həyata keçirilməsi ölkəmizdə bu sahəyə diqqəti artırmış və kütləviləşmişdir. Müasir kurikulumda fiziki tərbiyə fənninin 4-cü məzmun xəttini nəzərə alaraq qeyd edə bilərik ki, fiziki tərbiyə dərslərində şagirdlərin mənəvi iradi kefiyyətlərinin yüksələdilməsi ən vacib məsələlərdən biri hesab edilir. Şagirdlərin gələcəkdə şəxsiyyət kimi formalaşması məhs bu məzmun xəttinin tələblərinin üzərinə düşür. Bildiyimiz kimi bu günün uşaqları gələcəyin idarəediciləridir. Onlarda vətənpərvərlik, əməksevərlik, pozetivlik, sağlamlıq, humanistlik və s. kimi keyfiyyətlərin formalaşdırılması biz pedaqoqların üzərinə böyük məsuliyyət qoyur. Şagirdlərinfiziki tərbiyə dərslərinə psixoloji hazır olmasını və bunun nəticəsində onlarda motivasiyanın yüksəldilməsinimüasir dövrümüzün ən aktual məsələlərindən biri hesab etmək olar. Xüsusilə də bu kimi keyfiyyətləri aşağı yaş qruplarından V-VI siniflərdən başlayaraq formalaşdırılması əsas götürülməlidir. Çünki bu yaşda, şagirdlərin fiziki tərbiyə müəlliminə inamı və etibarı ən pik həddə olur. Fiziki tərbiyə müəllimləri bu etimadı qoruyaraq saxlamaq və bundan istifadə edərək onlarda fiziki hazırlıqlara motivi daha da yüksəldməyə səy göstərməlidir. Dərslərə motivasiyanın artırılması şagirdlərdə, həm hərəki qabiliyyətlərin icrası zamanı cəsarət və risqetməni, həmdə özünəinamı formalaşdırır. Mövzunun işlənmə səviyyəsi. Aparılmış tədqiqatların təhlili göstərdi ki, fiziki tərbiyə dərslərində motivasiyanın yüksəldilməsi, şagirdlərdə hərəkətlərin icrasında özünəinamı, özgünəgücünə güvəni, özünə və müəllimə inamı yüksəldir. Bu da, onların bir başa fiziki və psixoloji keyffiyyətlərini müsbətə doğru olaraq dəyişir.