Şose velosipedçilərinin sürət-güc hazırlığının təkmilləşdirilməsinin tədqiqi.

Abstract

Tədqiqatın aktuallığı. Hazırki dövrdə yüksək dərəcəli velosipedçilərin hazırlaşmasında yeni təkmilləşdirilmiş, səmərəli metodların tədqiqi mütləqdir. Velosiped idmanında uğurlu nəticələr əldə olunmasında mühüm amillər sayılan velosipedçilərin hazırlıq fəaliyyətinin məqsədə uyğun şəkildə əvvəlcədən praqnozlaşdırılması, planlaşdırılması və idmançıların məşq prosesinə tətbiqidir. Məşq prosesində yeni üsulların və metodların başlıca təsiri və effektivlik səviyyəsinin təyin olunması mühüm amillərdən biridir. İndiki zamanda yüksək dərəcəli şosse velosipedçilərin hazırlanması prosesi yeniliklərin axtarılmasını və bunların təkmilləşdirilməsinin yeni forma, vasitə və metodlarına yönəldilməsini tələb edir. Məşq prosesi zamanı xüsusi fiziki hazırlığın təkmilləşdirilməsi üçün tətbiq edilən müxtəlif metodlar velosipedçinin müvəffəqiyyət əldə edilməsinin başlıca amillərindən hesab olunmaqla aktual problemə çevrilmişdir. Müasir dövrdə velosiped idmanın inkişafı elə səviyyədədir ki, müxtəlif miqyaslı yarışlarda qalib gəlmək üçün velosipedçilər böyük həcmli və yüksək gərginlikli məşq yüklərini yerinə yetirmək məcburiyyətindədirlər. Son 15-20 ildə şosse velosipedçiləri tərəfindən göstərilən orta yarış sürəti 29-30 % artmışdır (39 km/saatdan 49-52 km/saata çatmışdır). Orta yarış sürətinin artmasına məşq yüklərinin intensivliyinin və şiddətinin yüksəlməsi, idman avadanlığının keyfiyyətinin yaxşılaşması, məşq metodikasının təkmilləşdirilməsi və velosipedçilərin məşqində böyük gərginlikli fiziki yüklərin yerinə yetirilməsi səbəb olmuşdur. İndiki zamanda veloyürüşçülərin birillik məşqlərində ümumi kilometraj 26-28 min kilometrə bərabərdir. Bunun 12-14 min km. yüksək gərginlikli məşq yükü, o cümlədən, şosse və trekdə 60-65 yarış startları təşkil edir. Veloidmanın təcrübəsində məşq prosesinin ümumi göstəriciləri müntəzəm olaraq qeydə alınır (məşq yükünün həcmi, şiddəti, intensivliyi və yarış dövründə fiziki hazırlığa ayrılan vaxt, şossedə qət edilmiş kilometrajın miqdarı və gərginliyi və i.x.).