Abstract:
İngilis dilində bir hər hansı bir fikri cümlədə müxtəlif formalarda ifadə et-mək mümkündür. Bunun üçün dilin qrammatik sisteminə dərindən bələd olmaq və lazımi formanı seçə bilmək olduqca əhəmiyyətlidir. Məhz bu halda cerunddan istifadə zərurəti meydana çıxır. Belə ki, cerund istifadə edilmiş cümlələr dilimizə sadə cümlə şəklində tərcümə edilir və bu danışıq zamanı fikrimizi yığcam, rahat və olduqca aydın formada istifadə etməyimizə şərait yaradır.
Ümumiyyətlə, cerund ingilis dilinin qrammatikasında ən maraqlı, vacib, çox istifadə edilən mövzulardan biridir. Lakin bu dil vahidinin Azərbaycan dilinin qrammatikasında tam qarşılığı olmadığı üçün o hər zaman bu dilin tədrisində dil öyrənənlər üçün problemli məsələ olmuşdur. Bu məsələnin həlli yolları da dili tədris edən müəllimlər tərəfindən araşdırılmalı, aydınlaşdırılmalı və əldə edilmiş səmərəli üsullar tədris prosesində tətbiq edilməlidir.
Məqalədə cerundun müxtəlif formalarda istifadəsi, nümunələrlə izahı və Azərbaycan dilinə tərcüməsi yolları tədqiq edilmişdir. Bu məqsədlə müxtəlif elmi ədəbiyyatlara istinad edilmiş, araşdırmanın nəticələri aydın şəkildə ümumiləşdirilmişdir. Müxtəlif nümunələr əsa-sında cerundun istifadəsi, onun mənası, bu mənanın Azərbaycan dilinə ötürülməsi yolları ətraflı şəkildə izah edilmişdir.
Məqalədə həmçinin cerundun inkar forması da tədqiq edilmiş, nümunələrlə tərcüməsi və izahı verilmişdir.
Cerundun tədrisi və öyrənilməsi zamanı məqalədə verilmiş məlumatlar olduqca əhəmiyyətli rol oyayacaqdır.
