Abstract:
Məqalədə ali məktəbdə oxuduqları müddətdə müxtəlif hərəkət aktivliyinə və bədənin total ölçülərinə malik olan tələbələrdə morfofunksional vəziyyət, fiziki hazırlığın səviyyəsinə və onlara fiziki yük nümunələrinin təsiri ilə bağlı məsələlər öz əksini tapmışdır. Belə tədqiqatların aparılmasının əhəmiyyəti böyükdür, morfofunksional vəziyyəti əks etdirən nəticələr idman fiziologiyası sahəsində təsəvvürləri daha da genişləndirərək, fiziki tərbiyənin nəzəriyyəsi və metodikası, idman məşqinin fiziologiyasını təcrübi material-larla daha da zənginləşdirmiş olur. Alınmış nəticələr gənc yaşlarında tələbələrdə ürək-damar və tənəffüs sistemlərində baş verən dəyişikliklərin daha erkən aşkarlanmasına və lazımi tənzimləmələrin aparılmasına imkan verir, tam sağlam görünənlər sırasından risk qrupuna yuvarlanların məşqində düzəlişlərin aparılması mümkün olur. Bu da sağlamlaşdırıcı işlərin fərdi aparılmasına, profilaktik və korreksiyaedici tədbirlərin aparılmasına kömək edir.
