İntensiv fiziki məşqlərdən sonra idmançıların iş qabiliyyətinin yüksəldilməsində bərpa masajının rolu.

Abstract

Məqalədə idman praktikası üçün aktual olan tibbi-bioloji bərpa vasitələrinin idmançı orqanizminə intensiv fiziki yüklərdən sonra fiziki iş qabiliyyətinin bərpasına və yüksəldilməsinə təsir edən vasitələrə aid müasir dövrün elmi-tədqiqat işlərinin təhlili əksini tapmışdır. Son dövrlərdə tükəndirici məşqlərdən və yarışlardan sonra idmançıların bərpasında qeyri-medikamentoz vasitəllərdən istifadə geniş sürət aldığından, tibbi-bioloji vasitə kimi idman masajından, xüsusilə də, bərpa masajından istifadə etməklə idmançılarda iş qabiliyyətinin yüksəlməsinə nail olmaq mümkündür. Bunun üçün mövcud metodikaların tətbiqinin pedaqoji cəhətdən əsaslandırılması müəyyən qədər öyrənilsə də, tibbi-bioloji istiqamətdə araşdırmalar aparılmışdır. Bundan əlavə bərpaedici masajın idmançı orqanizminə təsiri ilə bağlı metodika daim təkmilləşdiyindən, onun orqanizmdə, onun funksional vəziyyətində, fiziki iş qabiliyyətində yaratdığı müsbət dəyişiliklərin bərpaya və fiziki iş qabiliyyətinin səviyyəsinə təsiri idman məşqinin praktikasında mühüm əhəmiyyət daşıyır. Mövcud ədəbiyyatların təhlilindən o da məlum olmuşdur ki, idman masajı ilə yanaşı kontrans və klassik masajı uyğunlaşdıraraq tətbiq olunması idmançıların sağlamlığına, orqanizmin möhkəmlənməsinə, fiziki keyfiyyətlərin inkişafına və iş qabiliyyətinə müsbət təsir göstərir, orqanizmin adaptasiya imkanlarını genişləndirir.