İdman biznesində marketinq siyasəti.

Abstract

Məqalədə marketinq siyasətinin məqsədləri, marketinq siyasətitin vəzifələri, marketinq siyasətinin xüsusiyyətləri araşdırılır. Məqalədə həmçinin İdman təşkilatlarında erffektiv marketinq siyasətinin formalaşdırılması, marketinq siyasətinin komponentləri barədə məlumat verilir. Məqalədə bildirilir ki, müasir dövrdə idmanın sahibkarlıq mühitində yeni iştirakçıların meydana çıxması və idman mallarının çeşidinin genişlənməsi rəqabəti gücləndirmiş bunun nəticəsində marketinqin rolunu yenidən nəzərdən keçirilməsini zəruri etmişdir. Marketinq siyasətinin aləti və ya elementi qiymət siyasətidir. İdman təşkilatının qiymət siyasətinə satış qiymətləri, qiymətqoymanın bütün mərhələləri, malların ilkin qiymətinin müəyyən edilməsi taktikası, qiymətlərin tənzimlənməsi taktikası daxildir. Bu məsələləri həll etməklə marketoloqlar idman malları və xidmətləri üçün ən əlverişli qiymət təyin edir-lər ki, bu da təşkilatın mənfəətinin artmasına kömək edir. Məqalədə qeyd edilir ki, marketinq siyasətinin başqa bir vasitəsi idmn malların marketinq təşviqidir. Təşviq dedikdə məhsulun üstünlükləri haqqında məlumatı potensial istehlakçılara çatdırmaq və onların onu almaq istəyini stimullaşdırmaq üçün müxtəlif fəaliyyətlər məcmusu başa düşülür. Müasir kommersiya idman təşkilatları resellerlər, müştərilər, müxtəlif tərəfdaşlar və s. ilə ünsiyyət qurmaq üçün mürəkkəb kommunikasiya sistemlərindən istifadə edirlər.