Ümumtəhsil məktəblərində idman qurğuları və avadanlığın fiziki tərbiyə dərslərinin səmərəliyinin artırılmasında rolu.

Abstract

Aktuallıq. Cəmiyyətin hazırkı mərhələsində gənc nəslin inkişafı üçün ölkəmizin tarixində ən əlverişli obyektiv şərait yaradılmışdır. Belə ki, indi ölkəmizdə iqtisadi, sosial-siyasi, ideoloji vəzifələr müvəffəqiyyətlə həyata keçirilir, xalqın mədəni səviyyəsi, maddi rifah halı yüksəlir, uşaq və gənclərin inkişafına təsir göstərən ailənin imkan və şəraiti genişlənir. Respublikamizda insanların sağlamlığına xidmət etmək üçün hər il modern və beynəlxalq standartlara cavab verən yeni olimpiya idman bazaları tikilir, ümumtəhsil məktəblərinin idman zalları və meydançaları əsaslı şəkildə təmir olunur, yeni idman avadanlıqları alınır. Dövlətimizin təhsil sisteminə böyük diqqət və qayğısı sayəsində milli təhsil sisteminin inkişafını təmin edəcək normativ-hüquqi sənədlər, dövlət proqramları qəbul edilmişdir. “Azərbaycan Respublikasında” Təhsilin inkişafı üzrə Dövlət strategiyasında ölkəmizin inkişaf konsepsiyasına uyğun olaraq böyüyən nəsillərdə hərtərəfli bilik və bacarıqların formalaşdırılması məqsədilə təhsil sisteminin infrastrukturu, maddi-texniki baza və insan resurslarının inkişaf etdirilməsi nəzərdə tutulmuşdur. Bu da öz növbəsində ümumtəhsil məktəblərində şagirdlərin hərəki bacarıq və vərdişlərinin formalaşmasında, hərəki qabiliyyətlərinin inkişafında, əmək və müdafiə qabiliyyətinin inkişafında, sağlamlığın qorunmasında, cismani və mənəvi cəhətdən inkişafında fiziki tərbiyə olduqca vacib bir prosesdir. Fiziki tərbiyə prosesinin məqsədəuyğun, nəticəyönümlü, sistemli və mövcud təhsil proqramı əsasında həyata keçirilməsi üçün infrastruktur və maddi-texniki baza yüksək şəkildə təmin olunmalıdır. Fiziki tərbiyə prosesinin məqsədyönlü şəkildə həyata keçirilməsi üçün Azərbaycan Respublikasında olan bütün ümumtəhsil məktəbləri, beynəlxalq standartlara cavab verən idman meydançası və idman zalı təmin olunmalıdır