Yeniyetmə futbolçuların texniki hazırlıqlarının təlkmilləşdirilməsinin tədqiqi.

Abstract

Futbol gənclərin asüdə vaxtlarının səmərəli keçməsində, sağlam həyat tərzinin formalaşmasında və sağlamlıqlarının möhkəmləndirilməsində çox mühüm rol oynayır. Futbol – atletik və dinamik idman oyunu olmaqla bərabər, həmçinin ən populyar və kütləvi xarakter daşıyan kollektiv idman oyunlarından biridir. O, gənclərin hərtərəfli harmonik inkşafına, fiziki cəhətdən sağlam olmalarına, əmək qabiliyyətinin yüksəlməsinə, kollektivçilik, intizamlılıq, əzmkarlıq, dostluq, mübarizlik kimi mənəvi əxlaqi keyfiyyətlərin formalaşmasına müsbət təsir göstərir. İndi elə bir şəhər, rayon və kənd məktəbi yoxdur ki, orada gənclərin fiziki tərbiyəsində futboldan istifadə edilməsin. Müasir futbol, futbolçuların yüksək performans bacarıqlarını və futbol meydançasının hər hissəsindəki güzəştsiz mübarizəsini, oyunçuların fiziki mükəmməlliyini və milyonlarla azarkeşin sevincini, acısını, ağrısını üzvi şəkildə birləşdirən bir idman oyunudur. Fiziki keyfiyyətlərin, taktiki düşüncənin müxtəlif təzahürlərinə görə futbolun elementləri tez-tez digər idman növlərində (yalnız oyunlarda deyil) əlavə bir məşq vasitəsi kimi istifadə olunur. Futbol oynamaq üçün sürətli qaçmağı, tez-tez istiqaməti dəyişərək driblinq etməyi, dayanmağı, topa başla və ayaqla zərbə vurmağı, topu saxlamağı, onu aparmağı və aldadıcı fəndlərdən lazımi anda düzgün istifadə etməyi bacarmaq lazımdır. Bu texniki fəndləri yüksək səviyyədə icra etmək üçün fiziki hazırlıq: güvvə, sürət, cəldlik, dözümlülük, çeviklik tələb edilir. Futbol oyununun nəticəsi futbolçuların fiziki hazırlıqlarının, texniki - taktiki ustalıqlarının, və nəzəri psixoloji hazırlıqlarının səviyyəsindən xeyli dərəcədə asılıdır