Abstract:
Mövzunun aktuallığı. İdmançılarda inkişaf potensialı olan keyfiyyətlərdən biri də özünə inam iradi keyfiyyətidi. İdmançılarda psixoloji vəziyyəti öyrənmək, onun idarə olunması metodikasına yiyələnmək xüsusi əhəmiyyət kəsb edən məsələdir. Əvvəlcə səy göstərilməlidir ki, psixi vəziyyətlərin diaqnostik metodu düzgün müəyyənləşdirilsin. Sonra idmançıların yarışlara hazırlıq və yarış mərhələlərində fərdi xüsusiyyətlərinin dinamikası öyrənilməlidir. Sonra onların vəziyyətlərinin optimallaşdırılması metodu işlənib hazırlanmalıdır.
Tədqiqatın problemi. Əfsuslar olsun ki, iradi keyfiyyətlər, başlıca özünə inam keyfiyyətinin inkişafı ümumtəhsil məktəblərində diqqətdən kənarda qalıb. Bu problemi aradan qaldırmaq üçün biz dərsdən kənar məşğələlərdə məzmun ilə əlaqədar araşdırmalar aparıb tətbiq etmə yollarını müəyyən etməyə çalışacağıq.
Tədqiqatın obyekti. Bakı şəhərinin 252 saylı orta ümumtəhsil məktəbinin VIII – IX sinif şagirdləridir.
Tədqiqatın predmeti. VIII – IX siniflərdə həyata keçirilən fiziki tərbiyə prosesində hərəki bacarıq və vərdişlərin formalaşmasında fiziki keyfiyyətlərin inkişafı ilə qarşılıqlı əlaqənin təkmilləşdirilməsi yollarıdır.
Tədqiqatın məqsədi. İdmançılarda psixoloji vəziyyəti və onun idarə olunmasını öyrənmək, özünə inam keyfiyyətinin tətbiqi yollarını araşdırmaq.
Tədqiqatın vəzifələri. Tədqiqat 3 mərhələdə təşkil olunub.
1) Dərsdən kənar məşğələlərdə iradi keyfiyyətlərin tətbiqi yollarını araşdırmaq.
2) Ədəbiyyatlarda özünə inam keyfiyyəti haqqında məlumatları əldə etmək.
3) Psixoloji hazırlıqlarda (özünə inam) mütəxəssislərin rəyini müəyyənləşdirmək.
Tədqiqatın fərziyyəsi. Biz hesab edirik ki, VIII – IX sinif şagirdləri ilə aparılan psixoloji hazırlıqda (özünə inam) iradi keyfiyyətin proqnozlaşdırılmasını inkişaf etdirilməsini daha da təkmilləşdirməklə bir sıra müsbət nəticələr əldə edə bilərik.
- Fiziki tərbiyə prosesində iradi keyfiyyətlərin (özünə inam) formalaşdırılmasını daha əlverişli üsullarla həyata keçirilməsi
- Məşğələlərin müasir dövrün tələblərinə uyğun aparılması
- İradi keyfiyyətlərin (özünə inam) inkişaf etdirilməsində elmi əsasları müəyyənləşdirmək
- İradi keyfiyyətlərin (özünə inam) tətbiqi sahəsində yeni metodların təkmilləşdirilməsi.
